ENRIKE ZUBIRI, «MANEZAUNDI» (1867 - 1943)
BIZITZA
Luzaiden (Valcarlos) jaioa. Paris-en pintura-ikasketak egin zituen. Bere bizibidea margolaritza izan zuen. Iruineko «Escuela de Artes y Oficios»eko irakasle izan zen.
IDAZLANA
Euskal Herriko aldizkarietan sakabanatua dago honen idazlana: artikulu laburrak. Horietako batzu, ipuin eta artikulu, A. Irigarai-ren Prosistas navarros contemporáneos en la lengua vasca (Pamplona 1958) liburuan datoz.
ERITZI KRITIKOA
Luzaide, hizkeraz, Behe Nafarroako euskalkikoa da; euskalki horretan idazten du Manezaundik. Bere idazkera oso herrikoia du, bizi-bizia, esaeratan jatorra eta aberatsa. Atsegin handiz irakurtzen dira haren artikulu polit eta umore onekoak.
«...el encanto de 'Manezaundi' proviene en gran parte de que refleja a las mil maravillas la viveza y el pintoresquismo del habla popular» [38].