igandea, azaroak 15

HITZORDUAK

Azaroak 17: Juan Luis Zabalaren Dimisioa liburua izango dute mintzagai azaroaren 17an (asteartea) 18:30ean Zallako Crisol aretoan. Zallako irakurle taldea.

Azaroak 17: Itziar Ugarte Urizar eta Beñat Sarasola Santamaria Egunen alde zuria nobelari buruz solasean arituko dira azaroaren 17an (asteartea) 19:00etan Donostiako San Jeronimo liburutegi nagusian. Literaktum.

Azaroak 17: Xabier Amuriza bertsolari eta idazleak Xalbador bat bateko mirakulua emanaldia eskainiko du azaroaren 17an (asteartea) 19:00etan Bilbon, Euskaltzaindiaren egoitzan. Bilbo Zaharra euskaltegiak Lazkao Txiki eta Xalbadorren omenez antolatutako egitarauan.

Azaroak 18: Aintzane Usandizagak Esadazu gezurra liburua aurkeztuko du azaroaren 18an (asteazkena) 11:30ean Donostiako udal liburutegian. Argitaletxea: Susa literatura.

Azaroak 23: Itziar Ugarte Irizarrek Egunen alde zuria aurkeztuko du azaroaren 23an (astelehena) 11:30ean Donostiako plaza berriko liburutegi zaharrean. Argitaletxea: Susa literatura.

Azaroak 24: Arantza Urretabizkaia, Yolanda Arrieta eta Mari Luz Esteban Zahartzeko manerak euskal literaturan gaiari buruz solasean arituko dira azaroaren 24an (asteartea) 18:00etan Larrabetzuko Gure Etxea jubilatuen egoitzan.

Azaroak 26: Iosune de Goñik hutsak gure izena ahoskatu zuenean erakusketa jarriko du azaroaren 13tik 28ra, Iruñeko El vivero de ideas espazioan, eta tartean, azaroaren 26an (osteguna) liburuaren aurkezpena egilearekin eta Olaia Garaialde kazetariarekin.

EMAILUA

Iosune de Goñiren poema-liburu berria
Islandiarako bidaia baten ondoren onduta poema-liburua da hutsak zure izena ahoskatu zuenean. Islandiaren unibertso zehatza topatuko du, haren geologia eta mitologia, guztiz ulertzea ezinezkoa den zerbaiten presentzia konstantea. Gizatiarra eta ez gizatiarra nahasita dakartza poeta burlatarrak, izendatu daitekeenaren eta ezin daitekeenaren arteko hibridazioan, lau bidaideren arteko harremanak eta inguratzen dituzten landaeredia, animaliak, irudiak saretuta. Iosune de Goñiren hirugarren poema-liburua, Susa argitaletxearekin eman du argitara.

SOLASEAN

Ruben Sánchez Bakaikoa: «Pertsona batzuek gizakiak beste maite dituzte beren maskotak; humanoideekin ere gertatuko da hori»
El Correo, 2026-11-07

Katixa Agirre: «Alava espioitza sareko kide gehienak ez ziren erori»
Gara, 2026-11-01

Oihana Arana: «Horretarako gorputzaldia baldin badut, edonon topa dezaket poesia»
Berria, 2026-10-07

IDAZLEEZ ARI

Nemesio Etxaniz

Maitasun galduaren poeta dugu Nemesio Etxaniz, eta bere malkoak, inozoaren muga arriskutsu horretan baldin badago ere, hunkitu egiten gaitu, frustrazioa molde dotorean ematen dakielako.

Xabier Lete

Giza izatearen zergatiaz galdetzen du, kexu eta samina adieraziz; kezka orokor horrek hainbat adar hartzen ditu gero, abstrakzioaren bitartez poema erlijiosoak egiteko, edo konkrezioaren bidez euskal gizartearekiko ezinegona azaltzeko.

Mikel Lasa

Zein dira Mikel Lasaren poesiaren bereizgarriak? Hitzen aukeraketa sotil, zehatza; nostalgiaz zipriztindutako jarrera malenkoniatsua; sentsualtasun fin bat, moraltasunaren zama astunaz gabetua; errealitate hurbil eta konkretua, gauzak berak hartzea gaitzat; kulturalismoa, Europako joera eta jarrera berriak txertatzea gure literaturan.