MIKEL ELIZANBURU (Frère Innocentius) (1826-1895)
BIZITZA
Heletan (Behe Nafarroan) jaioa. La Salle-ko anaia, erlijiosoa. Joannes Batista Elizanburu poeta ezagunaren lehengusua.
IDAZLANA
Bi sailetan bana dezakegu:
1.— Frantses kutsua daramatenak: liburu frantsesak aurrez-aurre zeuzkala idatzi bide zituelako:
—Framazonak. Baiona 1889.
—Joannes Batista dohatsuaren bizia. Baiona 1891.
—Frantziako hirur Errepubliken istorioa laburzqui. Baiona 1890.
2.— Euskal kutsua daramatenak
—Lehenagoko eskualdunak zer ziren. Baiona 1889.
—Sakelako liburuchca edo giristino guzientzat on den esku liburu ttipia. Baiona 1892.
ERITZI KRITIKOA
Sarritan mordoilo gertatzen da. Idazkera praktikoa eta herrikoia. Barruan sentitzen duena garbi azaltzen du. Errepublikazaleentzat eta erlijiogabeentzat amorru bizia agertzen du.
Polemikazale. Euskal gaiez ari denean, herri-iturritik edaten duenean, apalagoa eta jatorragoa du hizkera. Beronen liburuak, oso sakonak ez izan arren, gustora irakurtzen dira, interesgarriak gertatzen dira.