Alegiok agitaratu gabe geratu zirela eta, geroago etorriko ziren alegilarien bildumetan txertatuta ezagutu dira gehienak.
Haietako bat haren iloba Bizenta Antonia Mogel (1782-1854) izan zen, osabaren zortzi alegia tartekatu baitzituen berak moldatutakoen artean. Fabulen munduan barneratzera eta idazteari ekitera osabak berak animatuta, euskal letren esparruan agertzen den lehen emakumea da azkoitiar hau. Haren Ipui Onac liburua (Donostia, 1804) jatorriz Esoporenak diren alegiez osatzen da. Hitz lauz idatzita dago, bizkaieratik hurbil dagoen gipuzkera batean.