literaturaren zubitegia

983 idazle / 4.697 idazlan
7.242 esteka / 5.737 kritika / 1.828 aipamen / 5.236 efemeride

  A B C D E F G H I J K L M N O P R S T U V W X Z  

Joanes Otxalde

«Iraupena eta lekukotasuna»
Patxi Salaberri

Elkar, 2002

 

        Kontrastean, errepublikazalea zen Jan Batiz Otsalde mugazaina (1814-1897). Moulier «Otsobi» apaiz herrikideak egindako soslai biografikoaren bidez da ezaguna, bere burua kantugile gisa definitzen zuen bidarraitar honen ospea ez zen jendaurreko ekitaldietan jarritako bertsoekin agortu. Abadiaren sariketetara hainbat lantxo aurkeztu zuen eta baita sariren bat irabazi ere. Ezagunagoa Etxahunekin mintzo bailitzen hamarreko txikian paratu zuen «Agur, adiskidia, Jinkoak egun hun» izenekoagatik, ez du falta toberetako kanturik ez eta autobiografikorik (»Lurreko ene bizia») edota bederatzi puntuko «Zahar gazten arteko parabola» bezalako piezatxo hunkigarririk ere («Atsegin batendako franko arrengura/Miseria kantatuz bizi niz ardura»). Urugayra egin zuen ibilaldian, hurrengo urteeetan Pedro Mari Otañorekin batera (1857-1910) diasporako bertsogile eta poeta gogoangarrienetakoa izango zena suertatu zitzaion anfitrioi: Jose Mendiaga hazpandarra (1845-1937), Zazpiak bat. Eskualdun kantuak arrakastatsuaren egilea (Buenos Aires, 1900).

 

Bilaketa