Bestalde, Juan Mateo Zabala frantziskotar bilbotarrak ere (1777-1840) jaso zuen Mogelenik bere Ipuiñ onac liburuan (1907/1909). Bildutako 35 alegiak «berba neurtuetan» (bertsotan) prestatuta daude; horietatik, hogeita bi bereak dira, hamaika J.A. Mogelenak, alegia bat Bizenta Mogelena eta beste bat Salaberri delako batena.
Eskaintzen zuten erabilgarritasun didaktikoagatik baloratuak (fabula docet, zioten erromatarrek), narrazio labur hauen arrakasta ez zen ilaundurik geratuko hurrengo urteetan ere. Are gehiago, bai Iparraldean eta bai Hegoaldean ez dira falta eskola-irakaskuntzaren osagarritzat erabiltzen zirela pentsarazten duten datuak.