Markiegi Olazabal, Jose
Gipuzkoar idazlea eta itzultzailea (Deba, 1895 - Oiartzun, 1936). Comillaseko (Santander) apaizgaitegian ikasketak egin ondoren Aprikano (Araba) eta Arrasaten izan zen apaiz. Itzulpen nagusiak: Mixio-eskuliburua (1931, Manual de Misiones), San Luis´en bizitza (La vida de San Luis, Herrera y Oriaren obratik euskaratua, 1932), Txerren zubiko gertaria (La farce du Pont du diable, H. Gehonen obratik euskaratua, 1934) eta Eriotz bide (Todes Heg, P. Humperten obratik euskaratua, 1935). Jaungoiko-Zale, Argia eta Yakintza agerkarietan eman zituen argitara lan aipagarrienak. Espainiako gerra zibila hasi bezain laister, frankistek atxilotu eta fusilatu egin zuten Oiartzunen 1936ko urriaren 24an.