Iturrioz Telleria, Fermin
Gipuzkoar idazlea eta pedagogoa (Ordizia, 1897 - Pasai-Donibane, 1952). Apaiza zen. Txomin Ikasle haurrei euskaraz irakurtzen irakasteko ikasbidea eman zuen argitara 1931. urtean. Eusko Ikaskuntzako kidea zen eta erakunde horretako agerkarietan plazaratu zituen artikulu gehienak. Lutelestia, oinarrizko eskolako ikasleei zuzendutako geografia liburua eman zuen argitara Donostian, 1932. urtean.