literaturaren zubitegia

1.010 idazle / 4.840 idazlan
7.337 esteka / 5.902 kritika / 1.828 aipamen / 5.246 efemeride

  A B C D E F G H I J K L M N O P R S T U V W X Z  

Justo Garate

«Lur hiztegi entziklopedikoa»

Lur, 1991-1994

 

Garate Arriola, Justo

 

(«Eneko», «Eneko Mitxelena», «Eneko Zilueta», «Elo», «Elorregi», «Txeru Arriola») Gipuzkoar idazlea (Bergara, 1900). Madrilen eta La Platan (Argentina) egin zituen medikuntzako ikasketak. Euskaltzain urgazle izendatu zuten, euskal kulturaren alde egin zuen lan handiarengatik. Espainiako Gerra Zibilaren garaian Argentinara erbesteratu zen. Revista Internacional de los Estudios Vascos, Eusko Jakintza, Munibe, Gernika, Príncipe de Viana aldizkarietan eta Boletín Americano de Estudios Vascos eta Euskalerriaren Adiskideak elkarteko argitalpenetan eman zituen argitara lan aipagarrienak. Lan nagusiak: Guillermo de Humboldt. Estudio de sus trabajos sobre Vasconia (1933), Ensayos euskarianos (1935), La época de Pablo de Astarloa y Juan Antonio Moguel (1936), El viaje español de Guillermo de Humboldt (1799-1800) (1946), Viajeros extranjeros en Vasconia (1942), Cultura biológica y arte de traducir (1943) eta El carlismo de los vascos (1980). Doctor honoris causa izendatu zuen Euskal Herriko Unibertsitateak 1982. urtean. Mendozan (Argentina) bizi izan zen.

 

Bilaketa