literaturaren zubitegia

974 idazle / 4.657 idazlan
7.227 esteka / 5.591 kritika / 1.828 aipamen / 5.228 efemeride

  A B C D E F G H I J K L M N O P R S T U V W X Z  

Jose Manuel Lujanbio, Txirrita

«Lur hiztegi entziklopedikoa»

Lur, 1991-1994

 

Lujanbio Retegi, Jose Manuel

 

«Txirrita» Gipuzkoar bertsolaria (Ereñozu, Hernani, 1860 - Altza, 1936). Hamahiru urte zituelarik, Errenteriara, Txirrita baserrira, joan zen bizitzera. Hamalau urte zituela kantatu zuen lehen aldiz plaza agerikoan, Ereñozuko San Antonio ermitaren aurrean. Maiorazgoa izan arren, baserria utzi eta hargintzan aritu zen lanean. Euskal Herriko bertsolaririk gogoratuenetakoa da gaur egun. Umore handiko bertsolaria izan zen, eta haren bertsoak eta ateraldiak oraindik ere herriaren gogoan daude. Bat-bateko bertso asko geratu badira ere, gorde diren gehienak bertso jarriak dira. 1935ean Macazaga etxeak bertso jarri batzuen bilduma atera zuen Txirritaren testamentua izenburuarekin. Pello Errota, Udarregi, Otaño, Gaztelu, Artzai Txikia Saiburu eta Frantsesa izan zituen, besteak beste, bertsolari lagunak. 1936ko bertsolari txapelketan txapeldun atera zen. Auspoa argitaletxeak argitaratu ditu Txirritaren bertso eta ateraldi gehienak.

 

Bilaketa