Etxebarria Martin, Juan Angel edo Jon Gotzon
(«Dirauket» deitua) Bizkaitar idazlea eta itzultzailea (Santurtzi, 1934). Arteagako eta Gasteizko seminarioetan egin zituen apaiz ikasketak, apaiz ez bada ere. Euskal aldizkarietan eman ditu argitara bere lanik gehienak eta euskaltzain urgazlea da. Hona idazlan eta itzulpen nagusiak: Gurutz bidea (1966), Maitale galdua (1966), Euskal iztegi laburra (1966), Charles Perrault´en ipuinak (1965), Phedro´ren alegiak (1965), Bakarantuak (1966, Lope de Vegaren Soliloquios divinos obraren itzulpena), Esopo´ren alegiak eta Catalunya´ko olerkariak (Verdaguer, Costa y Llobera eta Maragall).