literaturaren zubitegia

971 idazle / 4.651 idazlan
7.213 esteka / 5.522 kritika / 1.828 aipamen / 5.226 efemeride

  A B C D E F G H I J K L M N O P R S T U V W X Z  

Felipe Arrese Beitia

«Lur hiztegi entziklopedikoa»

Lur, 1991-1994

 

Arrese Beitia, Felipe

 

Euskal idazlea (Otxandio, 1841 - Otxadio, 1906). Lanbidez «santugina», 31 urterekin ekin zion olerkaritzari. Hego Euskal Herriko Lore Jokoak hasi zirenetik (Elizondo, 1879), ez zuen bakar batean ere huts egin Arrese Beitiak. Gartsua eta oparoa, gehiegizko erretorikak moteldu egiten du euskararen etorkizunaren aurrean beti kezkati ageri den idazlana. 1884. urtean Diccionario Manual Bascongado y Castellano y elementos de Gramática argitaratu zuen, halako arrakastarik izan ez zuen lana. 59 urte zituela, ordura arte idatziriko poema guztiak eman zituen Ama Euskeriaren Liburu Kantaria izenburuko liburuan (1900). Hil ondoan, Asti-Orduetako bertsozko lanak liburua argitaratu zen (1908). Arrese Beitia, erromantiko berantiarra, bere garaiko semea izan zen. Euskara eta Euskal Herriaren geroa arriskuan ikusi zituen olerkaria, sua eta garra darie bestalde literatur balore urriak eskaintzen dituzten olerkiei.

 

Bilaketa