literaturaren zubitegia

986 idazle / 4.705 idazlan
7.243 esteka / 5.766 kritika / 1.828 aipamen / 5.237 efemeride

  A B C D E F G H I J K L M N O P R S T U V W X Z  

Jean Louis Davant

«Lur hiztegi entziklopedikoa»

Lur, 1991-1994

 

Davant, Jean-Louis

 

Euskal idazlea (Ürrüxtoi-Larrabile, Zuberoa, 1935). Agronomia ingenieritzako ikasketak egin zituen Frantziako Angers hirian eta Hazparneko Laborantza Eskolako irakasle eta zuzendaria izan da. Euskaltzain osoa da 1976. urteaz geroztik. Gazte izeneko agerkarian hasi zen idazten 1957. urtean. Harrezkeroztik artikulu asko idatzi ditu Herria, Enbata, Herriz Herri, Maiatz eta Hego Euskal Herriko aldizkarietan eta egunkarietan. Argitara emaniko literatura lanak garrantzitsuak izan arren (Nahi gabe, 1986, poesia bilduma; Iparraren bila, 1987, eleberria; Abadia Urrüstoi, 1986, Antoine D'Abbadieri buruzko pastorala; Itsasoak iraultzan, 1986, poema liburua), politika, historia eta gizarte gaiei buruz idatzi dituen artikulu eta obrak ezinbesteko erreferentzia puntu bihurtu dira Euskal Herria bere osotasunean ezagutu nahi duen edonorentzat. 1970. urtean Euskal Herriko historia eman zuen argitara erdaraz eta 1973an Aberri burruka eta klase burruka euskal higikundean azterlana (Lutte nationale et lutte des classes dans le mouvement basque, frantsesez). Abertzalea eta sozialista da; EHAS alderdiaren sortzaileetariko bat izan zen 1975ean.

 

Bilaketa