Torrealdai Nabea, Joan Mari
Bizkaitar kazetaria eta idazlea (Forua, 1942). Soziologia ikasketak egin zituen Parisko unibertsitatean eta teologiakoak Okzitaniako Tolosan. Euskaltzain urgazlea da. Euskal Idazleen Elkarteko idazkaria izan zen 1969-1970 urteetan eta Jakin aldizkaria zuzendu zuen 1969 arte. Anaitasuna aldizkaria zuzendu zuen 1974. urtetik 1977. urtera. 1977. urteaz geroztik Jakin aldizkari berrituko zuzendaritzaz arduratu da berriro ere. Zeruko Argia, Egan, Elkar eta beste euskal aldizkarietan ere plazaratu ditu lan interesgarrienak. Harenak dira Iraultzaz (1973) eta Euskal Idazleak, gaur (1977) obrak. Euskaldunon Egunkariko Argital Batzordeko zuzendaria da egun.