Amuriza Zarraonaindia, Xabier
Euskal bertsolari eta idazlea (Etxano-Zornotza, 1941). Apaiz ikasketak egin ondoren, eliz agintarien eta errejimen frankistaren aurka aritzeagatik kartzelan egon zen zazpi urtez. Euskaltzaindiak antolatzen zituen txapelketetako epai-mahaikide, kartzelatik atera ondoren (1977) agertu zen ahots ederreko bertsolari zorrotz eta berrizale gisa. Bertsolaritzak azkenaldi honetan ezagutu duen gorakada aipatu orduko ageri da Amuriza bertsolari guztiz ezagunaren irudia. Bertsolari txapelduna izan zen 1979 eta 1982 urteetan. Idazle ugaria, nobelak (Hil ala bizi (1973), Emeak (1985), Oromenderrieta (1987) eta bertso liburuak eman ditu argitara. Politika munduan, Herri Batasunako kidea eta karguduna izan da.