Rafael de Micoleta
(Bilbao, 1611 - ??)
1653-garren urtean «Modo breve de aprender la lengua bizcaína» eritxon liburutxu bat idatzi eban, baiña liburu jakingarri onek ez eban argirik ikusi... 1880(!)-garren urterarte (1897-garrenean, barriro argitaratu eban Dogsonek)... Alan ta guzti be, XVII-garren gizaldiko Bizkai-euskerea ezagutzeko ez daukagu berau baiño agiri obeagorik. Liburutxu onen gaia: gramatika apur bat (balio gitxikoa), iztegi luze-samarra, eta, azkenean, alkarizketa atsegin batzuk, euskeraz eta erderaz. Erderatiko berbak aurrez sartzen ditu ta joskerea bera be erderaren morroi darabil sarritan, baiña amaikatxu esakera jator be eskeintzen deusku Mikoleta abadearen liburu zaar onek.