Haraneder, Joannes
Euskal idazle lapurtarra (Donibane-Lohizune, ~1669 - ?). Familia noble bateko semea zen eta eliz ikasketak egin ondoren, apaiz egon zen jaioterrian bertan. San Frantzisko Saleskoaren Filotearen euskarazko itzulpena argitaratu zuen Philotea edo devocioneraco bide erakusçaillea izenburupean (1749). Scupoliren Gudu izpirituala liburua, 1664an Silvain Pouvreauk itzuli eta argitaratua, euskaratu eta argitaratu zuen (1750); Itun Berriaren lehenengo euskarazko moldaketa katolikoa ere prestatu zuen (Jesu-Christo gure Iaunaren Testament Berria).