Betolaza, Joan Perez
Euskal idazle eta erlijioso bizkaitarra, jaiotzez arabarra (Betolatza, ? - Ozkabarte, Errioxa, ~1600). Kalagorriko elizbarrutiko apezpikuak Trentoko kontzilioaren eraginpean agindurik Doctrina Christiana en Romanze y Basquenze idatzi zuen (Bilbo, 1596). Erdaraz idatziriko dotrina baten euskarazko laburpena da, mendebaldeko euskaraz idatzitako lehen argitalpena eta ezagutzen den euskarazko dotrinarik zaharrena hain zuzen.