Astarloa Agirre, Frai Pedro
(Durango, 1751 - Bilbo, 1821), aurrekoaren anaia. Apaiz frantziskotarra eta teologi irakaslea izan zen. Anaiak ez bezala, Markina aldeko bizkaieraz idatzi zuen: Urteko Domeca gustijetaraco verbaldi icasbidecuac, ceinzubetan azalduten dan Erromaco catecismua (1816-18); apaizei zuzenduta dago eta bi liburukitan argitaratu zen. Euskara argian idatzi zuen, baina erdal hitz asko erabili zituen zenbait termino argitu asmoz; horrek irakurtzeko astun bilakatzen du.