literaturaren zubitegia

1.063 idazle / 5.111 idazlan
7.824 esteka / 6.304 kritika / 1.828 aipamen / 5.567 efemeride

A
B
C
D
E
F
G
H
I
J
K
L
M
N
O
P
R
S
T
U
V
W
X
Z
«Harluxet hiztegi entziklopedikoa»

Harluxet, 1995

 

Garibai Zamalloa, Esteban

 

Historialari gipuzkoarra (Arrasate, 1533 - Madril, 1599). Ikasketak Gasteiz, Errioxa eta Oñatiko Unibertsitatean egin zituen. Gazterik hasi zen historia aztertzen eta Anberesera jo zuen gero hiru liburuki marduletan argitaratuko zuen Compendio historial (1571) balio handiko lan historikoa prestatzeko material bila. Halaber, Nafarroako erresumaren desagertzearen arrazoiak sakonki aztertu zituen. Arrasateko alkatea izan zen eta euskarazko herri-kanta zaharrak jaso eta bi errefrau-bilduma egin zituen. Euskarari dagokionez Tubal-en mitoan sinesten zuen; euskara Babelgo hizkuntzen nahasketatik ihesi, Tubalek ekarri zuela Euskal Herrira eta erromatarrak etorri aurretik Iberiar penintsulan hitz egiten zen hizkuntza bakarra zela, alegia. 1592.az geroztik Felipe II.aren kronikari izan zen eta ikerketa genealogikoak egin zuen.

 

Bilaketa