Estornes Lasa, Jose
(Izaba, 1913 - Donostia, 1987), aurrekoaren anaia. Administrazioan lizenziatu eta zuzenbide-ikasketak egin zituen. Venezuelan erbesteratu eta artikulu ugari eta La Real Compañia Guipuzcoana de Navegación de Caracas liburua argitaratu zuen. Euskararen azterketa sakon baten ondorio diren Cómo aprender el euskera fácilmente (1960), Método elemental del Vasco (1961), Erronkari'ko Uskara eta Euskal Aditza (1968) lanak argitaratu zituen. Euskaltzain urgazlea eta Nafarroako Kultura Akademiaren sortzailetakoa izan zen.