Elizalde, Jean
(izg. Zerbitzari)
Euskal idazle lapurtarra (Azkaine, 1883 - Gerezieta, Lekorne, 1961). «Azkaindarra» eta «Bilharia» ezizenak ere erabili zituen. Eskualzaleen Biltzarreko kide, idazkari eta erredaktorea izan zen eta 1930.az geroztik euskaltzain osoa. Haurrentzako ipuinak, olerkiak eta kondairak kaleratu zituen eta bestalde, pilota-partiduen kritikak, Euskal Herriko landare eta hegaztiei buruzko azterketak, hainbat obra erlijiosoren itzulpenak, esaera zaharren bilduma bat (Atsotiz, Zuhur-hitz eta Erran-Zehar) eta antzerki laburrak ere egin zituen.