Barbier, Jean
Euskal idazle, musikari eta olerkari baxenabartarra (Donibane-Garazi, 1875 - Senpere, 1931). Hazparne, Larresoro eta Baionan ikasi eta 1898an apaiztu zen. Frantziako Tolosan teologi doktoretza lortu zuen (1900). Larresoroko irakaslea, Baionako katedraleko bikarioa eta Senpereko erretorea izan zen. Gure Herria aldizkariko sortzaileetakoa eta Eskualduna aldizkariko kolaboratzailea izan zen. Nere kantuak (1910), Ama Birjina Lurden (1920), Supazter chokoan ipuin-bilduma (1924), Legendes du Pays Basque d'après la tradition (1931) eta Piarres nobela (1926) idatzi zituen.