Estornes Lasa, Mariano
(Izaba, 1909 - Donostia, 1997), aurrekoen anaia. Oro del Ezka, Los Errotazar-Soroa-Larralde eta Gentes vascas en América (1958-61) liburuak argitaratzeaz gain, bere anaia Bernardorekin eginikoak eta artikulu ugari ere ondu zituen. — Idoia (Txileko Santiago, 1940), Bernardoren alaba. Filosofia eta Letretan doktoratu zen Donostian. Soziologia, geografia, historia eta historiografiaz saiakera ugari idatzi ditu, baita Eusko ikaskuntzaren historiaz ere. Auñamendi argitaletxearen Enciclopedia General Ilustrada del Pais Vasco obraren arduraduna da 1968az geroztik.