Irigarai, Anjel
(izg. Apat-Etxebarne)
(Bera, 1899 - Donostia, 1983), aurrekoaren semea. Medikuntza-ikasketak egin eta Iruñean mediku-lanetan aritu zen. Garaiko hainbat aldizkaritan argitaratu zituen bere lanak euskaraz zein gaztelaniaz. Mitxelena eta Arrurekin batera Egan aldizkariaren zuzendaritzan parte hartu zuen (1953). Euskalerriko ipuiñak (1957) eta Literatur eskuararen inguruan (1959) lanak idatzi zituen; gaztelaniaz ere idatzi zuen. Nafarroan euskara jasaten ari zen atzerakadaz eta euskararen batasunaz arduratuta, ikerketa sakonak egin zituen. Eusko Ikaskuntzako kide eta 1942az geroztik euskaltzain osoa izan zen.