Davant, Jean Louis
Euskal idazle eta politikari zuberotarra (Ürrüxtoi-Larrabile, 1935). Nekazaritza-injinerutzan doktore eta agronomi irakaslea da Hazparnen. »Enbata» mugimenduaren (1964) eta EHAS alderdi politikoaren sortzaile eta bultzatzaileetarikoa izan zen (1975). Politika, historia eta gizarte-gaiei buruzko artikulu ugari argitara eman ditu. Histoire du peuple Basque (1977); Nekazari euskalduna; Aberri eta klase burruka euskal mogimenduan (1977) eta Iparraren bila liburuak idatzi ditu. Poesia (Ihesi, 1990) eta pastoral bat (Abadia Urrustoi, 1986) ere egin ditu. Euskaltzain oso da, G. Epherrek utzitako aulkian (1975).