literaturaren zubitegia

1.063 idazle / 5.111 idazlan
7.824 esteka / 6.304 kritika / 1.828 aipamen / 5.567 efemeride

A
B
C
D
E
F
G
H
I
J
K
L
M
N
O
P
R
S
T
U
V
W
X
Z
«Bizkaiko euskal olerkariak»
Santi Onaindia

Egilea editore, 1990

 

Jesus Antonio Etxezarraga

(1953-....)

 

        Bilbon Gordoniz kalean jaio ta babeatu izan arren, 1953-1-3'an, Zeanuri'ko Altzusta auzunekoa da Etxazarraga jatorriz. Deustu'n eta osotu dauskuz bere ikasketak.

        Barne-griñari erantzunik, olerki-irakurle da, eta kopla idazle. 1977'ko urrillaren 21'an sariketa bat ipiñi eben Laukiz'ko gazteak, bertako seme Esteban Urkiaga, «Lauaxeta» zanaren omenez. Zeanuristar gaze onek jaso eban olerki-batzaldi artako lenengo saria.

 

                DOMU SANTUZ

 

                Zuek

                fusilen suzko herio tantaz

                gure joanean eroriak,

                zuek

                gure gau gorri ongarri

                egiten duzuen odol hariok,

                zuek

                gure ezinbestezko bideetako

                harrilosa ta kantugai,

                zuek

                gugan bizi zaretenok

                gu ausartu ez ginen pausuok,

                zuek

                gure aitzin-gibeleko harrikadok

                gure ukabilen hatzamar hautsiok,

                zuek

                fusilen suzko herio tantaz

                gure aitzin-gibeleko harrikadok

                zuek, gureok.

 

 

                TOLOÑO

 

                Toloño,

                gure Toloño,

                Europa beheko

                mendiño.

                Euzkadi gureko,

                kopeta

                ta killa.

                Lepo atze

                zabala,

                Errioxa, Trebiño

                ta Araba,

                eremuko errexala,

                gure Toloño.

                Arabako beleen

                haizea

                gure Alostorrea,

                Ebrupe sugoiaren

                gerizpea.

                Orratz galdua,

                dorretxe

                mila aldiz errea.

                Zerupeko gailur

                bakarra,

                ihesbide gudukatuen

                negarra,

                gaztelu zahar

                gogorra,

                gari harri

                gorra.

                Gorbei saihetsak

                eta Gipuzkoak

                bildutako sua:

                berbea,

                testigu bakar

                mutua,

                euskera labratua.

                Zazpi errosario

                lau misterio,

                bi berio

                ta txakur pinto

                mozkortua,

                gure bihotz

                ihartua.

                Toloño, ai oi!

                gure Toloño!

 

Bilaketa