astelehena, ekainak 30

HITZORDUAK

Uztailak 3: Oier Guillan antzerkilariak Aztitza aurkeztuko du uztailaren 3an (osteguna) 19:00etan Oiartzungo Post-Etxea eta Ehuntze espazioetan, 19:00etan. Ekitaldia Loaren defentsan piezarako Ananda Berasartek egindako argazkien proiekzio musikatuarekin hasiko da, Post-Etxea espazioan. Ondoren, Ainhoa Alberdik butoh dantzarekin lotuko ditu kaletik bi espazioak. Azkenik, Ehuntze espazioan egileak irakurketa dramatizatua egingo du, Imanol Ubedak sortutako Aztia antzezlaneko kanta batzuen bertsio akustikoez lagunduta.

EMAILUA

Euskarazko liburu eta disko azoka Ziburun
6. euskal disko eta liburu azoka antolatu dute ekainaren 7an (larunbata) Ziburun. Goizeko 11:00etatik arratsaldeko 20:00ak arte Ziburuko herriko plaza gure literaturako nobedade eta lanez mukuru egonen da. 33 argitaletxe, 10 diskoetxe, 39 idazle eta 111 nobedade batuko dira Baltsan elkarteak eta Argia aldizkariak antolaturik, aurten ere Susa literatura argitaletxea Euskal Herriko beste hainbatekin batera Ziburuko azokan izanen da. ziburukoazoka2025

SOLASEAN

Joxe Austin Arrieta: «Memoria-ariketa da ‘Palinpsestoa’, ahal izan dudan zorrotzena eta zintzoena»
Argia, 2025-06-15

Miren Agur Meabe: «Igual egin ahalko nuke nobela konbentzionalago bat, baina hori egin behar al da?»
Berria, 2025-06-15

Amaiur Epher: «Galdera da lan batek noiz balio digun, ez geuk distira egiteko, baizik eta kolektibo gisa»
Argia, 2025-06-08

IDAZLEEZ ARI

Laura Mintegi

Esan daiteke emozioek zeharkatzen dutela idazle honen obra alderik alde eta amodioak, desamodioak, desirak, ametsek, etsipenek, konpromiso politikoak... presentzia erabatekoa dutela bere lanetan.

Amaia Lasa

Amaia Lasaren poesia fundazionala da, gerora garatu den emakumezkoen literatura baten aldarria, laudorio faltsu guztien dekoratua suntsitzeko behar zen aurreneko mailukada. Bera da gure literaturaren lehen emakumea, berak dakarrelako lehenengoz emakumea gure letretara.

Ramon Saizarbitoria

Gai berritzearekin batera teknika berritze handi bat ekarri zuen Saizarbitoriak, Europako literaturan indarrean zebiltzan joera berrien eraginez; teknika berritze hau ez da baliabideen erakuspen hutsa, baizik eta belaunaldi berri baten kezkak bere modu literario egokienean emateko ahalegina.