Apirilak 29: Joxe Austin Arrieta idazleak Palinpsestoa liburu berria aurkeztuko du apirilaren 29an (asteartea) 11:30ean Donostiako udal liburutegian. Argitaletxea: Maiatz.

Apirilak 29: Jon Gerediagaren Zeru-lurren liburua landuko dute apirilaren 29an (asteartea) 18:30ean Leioako irakurle taldean.

Apirilak 29: Mikel Tabernak Arkanbele kantak poema liburuan oinarritutako solasaldia egingo du apirilaren 29an (asteartea) 19:00etan Atarrabiako Lapiko gunean, Karrikaluze elkartearen irakurle taldeak antolaturik.

Apirilak 29: Bea Salaberri Mesfida zaitez nobelari buruz arituko da eleketan apirilaren 29an (asteartea) 19:30ean Getxon, irakurle taldean.

Apirilak 30: Uxue Alberdi hizlari dela  Hetero liburuari buruz arituko dira  apirilaren 30ean (asteazkena) 18:30ean Ortzaizeko Menta liburudendan. Azokaroa.

Lazarragaren Eskuizkribua
21 urte joan dira Joan Perez Lazarragakoaren eskuizkribua aurkeztu zitzaigunetik. Deskubrimendu liluragarria, euskal literaturari izen berri eta indartsu bat ekarri zion. 1605eko apirilaren 11 batez hildako Lazagarrako jaunaren eskutik iritsi zitzaizkigun testu eta poemek beste ikuspuntu  bat ere erantsi zioten ponte-usain handixkoa izan duen gure literaturaren historiari. Koldo Mitxelena Kulturuneak guztion eskura, sarean jarri zuen testuaren faksimilea, eta Armiarmak haren transkripzioa ere eskaini zuen.