Maiatzak 19: Yolanda Arrietaren Etxe bat norberarena nobela izango dute hizketagai maiatzaren 19an (astelehena) 17:00etan Donostiako Lugaritz kultur etxean.

Maiatzak 19: Miren Agur Meabe idazlea Begiak zerumugan liburuari buruz arituko da maiatzaren 19an (astelehena) 19:00etan Soraluzeko liburutegian.  Gidaria: Ainhoa Aldazabal.

Maiatzak 20: Eneko Bidegain idazlearen Bichta Éder nobelari buruz arituko dira maiatzaren 20an (asteartea) 19:00etan Bilboko Biran.

Maiatzak 20: Miren Agur Meabe idazlea Itzulerak nobela aurkeztuko du maiatzaren 20an  (asteartea) 19:00etan Eibarko liburutegian. Gidaria: Ainhoa Aldazabal.

Maiatzak 21: Ane Zubeldia Magriñák kontra poema liburua aurkeztuko du maiatzaren 21ean (asteazkena) 11:30ean Donostiako liburutegi zaharrean. Argitaletxea: Susa. Azalaren egilea Clàudia Borràs da.

Maiatzak 21: Amaia Lasa eta bere obra irakurri eta komentatuko dute maiatzaren 21ean (asteazkena) 19:00etan  Azpeitiko APOA ekitaldian.

Maiatzak 23: Miren Agur Meabe Amorante frantsesa  nobelari buruz berbetan egongo da maiatzaren 23an (barikua) Eako irakurle txokoan.

Maiatzak 24: Bea Salaberri Mesfida zaitez nobelari buruz eta Ekaitz Bergaretxe berriz Masusta erreximenta eskuan hartuta arituko diraaeleketan maiatzaren 24ean (larunbata) 10:00etan Donapaleuko liburutegian.

[hitzordu guztiak ikusi]

Agur Itxaropena
Lerro hauek idazten ari naizenean, oraino, egiteke dago Itxaropena editorialaren historia. Batzuetan inprimategi gisa, beste batzuetan argitaletxe gisa egin du lan Itxaropenak. Bera izan da orduko euskaltzaleentzat arnasbide ia bakarra, batez ere 1952an «Kuliska Sorta» bilduma sortu zuenetik. Horrela idatzi zuen Joan Mari Torrealdaik Artaziak Euskal liburuak eta Francoren zentsura liburuan, Itxaropena argitaletxe eta inprimategiari eskainitako kapituluan.

Kuliska Sorta

1952ko urtarrilean, Kuliska Sorta bilduma abiatu zuen Itxaropena argitaletxeak Zarautzen, Patxi Unzurrunzaga editore zuela. 1952tik 1973ra argiratutako liburu guztien zerrenda eman genuen Kuliska Sortaren 50. urteurrenean, Emailuotan.

2025eko udaberrian itxita

Aspaldi honetan inprimategi bezala lanean gogotsu aritu dira Itxaropenan. Euskal literaturari zerbitzu ugari eskainiz, eta inprimatu duten azken euskal liburua George Orwell idazlearen Lur jota Parisen eta Londresen izan da, Igela argitaletxeak plazaratu duena. Susa literatura argitaletxeak ere hainbat liburu argitaratu ditu urteotan Zarautzen, eta harreman polita izan du argitaletxe izandako inprimategi historikoarekin. Atsekabez idazten dugu bere itxieraren berria, orain arte euskal literaturari egindako ekarpena nabarmenduz, eta garai bateko liburu saila gogora ekarriz. Eskerrik asko guztiagatik.