asteazkena, maiatzak 28

HITZORDUAK

Maiatzak 29: Agurtzane Intxaurraga eta Oier Guillan antzerkigileek, Zorretan eta Aztitza teatro testuak aurkeztuko dituzten maiatzaren 29an (osteguna) 11:30ean Donostiako liburutegi zaharrean. Ganbila bilduma.

Maiatzak 29: Joxe Austin Arrieta idazleak Palinpsestoa liburu berria aurkeztuko du maiatzaren 29an (osteguna) 19:00etan Iruñeko Karrikiri liburudendan. Argitaletxea: Maiatz.

Maiatzak 29: Miren Amuriza eta Danele Sarriugarte elkarrizketan arituko dira Pleibak liburuari buruz maiatzaren 29an (osteguna) 19:00etan Bilboko Bira kultur gunean. Urdin elektrikoa.

Maiatzak 29: Harkaitz Cano idazlearen Ulu egiteko bolondres bila poema liburuari buruz arituko dira maiatzaren 29an (osteguna) 19:30ean Gasteizko irakurle klubean.

EMAILUA

Emakumeei lotutako rolen zama, Agurtzane Intxaurragaren lumatik
EHAZE eta Susaren eskutik, Ganbila bildumak beste bi ale dakarzkigu udaberri honetan. Horietako lehenean, Agurtzane Intxaurragak idatzitako bi obra biltzen dira: oraindik ere taulagainetan dabilen Zorretan (2024) eta Hitzak (2012). Hamabi urteko tartean idatziak eta antzeztuak, berrienak zaintza-hautuak eta dolu-egunak ditu ardatz nagusi; zaharrenak, aldiz, bortxa matxista psikologikoa. Arrastoa utzi duten bi antzerki lan, oraingoan literaturaren eremura ekarriak. Agurtzane Intxaurraga - Zorretan

SOLASEAN

Jule Goikoetxea: «Edo hasten gara poza diziplinatuki jorratzen, edo ez dago zer eginik»
Gara, 2025-05-24

Oihane Zuberoa Garmendia: «Badaude ahots asko, nirearekin nahastuta»
Noticias de Álava, 2025-05-17

Koldo Izagirre: «Euskal literaturaren soziologia egin behar dugu»
Noticias de Navarra, 2025-05-09

IDAZLEEZ ARI

Jon Etxaide

Bete-beteko nobela eraiki zuen Etxaidek Etxahunen gainean. Pasioa, ekintzak, pertsonaia gatazkatsuak, barne-kontraesanak... ordura arte euskal nobelak eskas izandako zerbait eskaini zuen.

Anjel Lertxundi

Estilo eta gai anitz ukitu baditu ere, esan liteke idazkera errealista dela berea, baina ez errealitatearen erretratu huts eta gardena, ezpada subjektibitateak zipriztindua, pertsonaien pertzepzioak baldintzatua. Errealismoarekin batera baditu beste ezaugarri batzuk: jarrera kritiko bat, formarekiko kezka, gogoetarako joera eta ironiaren agerpen etengabea.

Ramon Saizarbitoria

Gai berritzearekin batera teknika berritze handi bat ekarri zuen Saizarbitoriak, Europako literaturan indarrean zebiltzan joera berrien eraginez; teknika berritze hau ez da baliabideen erakuspen hutsa, baizik eta belaunaldi berri baten kezkak bere modu literario egokienean emateko ahalegina.