ostirala, urriak 16

HITZORDUAK

Urriak 19: Maialen Berasategi Catalanek Erreplika liburua aurkeztuko du urriaren 19an (astelehena) 10:30ean Donostiako Udal Liburutegian.

EMAILUA

Gabriel Aresti Nire aitaren etxea bere ahotsez
1975. urteko ekainaren 5ean hil zen Gabriel Aresti idazlea. Hainbat lan eta liburu argitaratua, gazte hil zen, eta berak idatzitakoak, eta bere hitzaldi zenbait eta poema ere betirako gorde dira grabazio batzuetan. Nire aitaren etxea (Gabriel Aresti). [video width="1920" height="1080" mp4="https://armiarma.eus/emailuok/wp-content/uploads/2026/06/aitaren-etxea.mp4"][/video]

SOLASEAN

Oihana Arana: «Horretarako gorputzaldia baldin badut, edonon topa dezaket poesia»
Berria, 2026-10-07

Joxean Agirre: «Ia maitasun istorio guztiak dira erdi zapuztuak»
Gara, 2026-10-05

Gorka Bereziartua: «Beti ari gara iragana berrasmatzen koherentea izan dadin»
Argia, 2026-09-20

IDAZLEEZ ARI

Bitoriano Gandiaga

Originaltasuna inoiz galdu gabe egin zuen lan, autoexigentzia handiko autoreak sinatzen ditu libururako poemak zein liturgiarako kantuak edo gabon koplak. Beti azalduko zaigu erritmoa hizkuntzaren barne-pleguetan ebakitzen dakien bertsolaria, herri joskera baliatzen dakien poeta, kontzeptuak gozo ematen dakien hausnartzailea.

Arantxa Iturbe

Bere narrazioek badute bat-batekotasun eta freskotasun bat pertsonaien erregistroan ez ezik tramaren beraren egituran antzematen dena. Nahikoak zaizkio pintzelkada labur eta etengabeak narrazioaren erritmoa aldatzeko.

Patziku Perurena

Natura jaso duen bezalaxe baitirudi jaso duela hizkera Perurenak, neke gabe, kukuak esanda, haizeak ekarrita edo errekak bustita, maisutza teknikoa hitzaren eztiak estaltzen duela. Hitzak belarrirako aukeratzen dizkigu poetak, zehatz eta aberats, kanturako diren poemetan eta halaber soilik irakurtzeko direnetan.