astelehena, urriak 12

HITZORDUAK

Urriak 19: Maialen Berasategi Catalanek Erreplika liburua aurkeztuko du urriaren 19an (astelehena) 10:30ean Donostiako Udal Liburutegian.

EMAILUA

Gabriel Aresti Nire aitaren etxea bere ahotsez
1975. urteko ekainaren 5ean hil zen Gabriel Aresti idazlea. Hainbat lan eta liburu argitaratua, gazte hil zen, eta berak idatzitakoak, eta bere hitzaldi zenbait eta poema ere betirako gorde dira grabazio batzuetan. Nire aitaren etxea (Gabriel Aresti). [video width="1920" height="1080" mp4="https://armiarma.eus/emailuok/wp-content/uploads/2026/06/aitaren-etxea.mp4"][/video]

SOLASEAN

Oihana Arana: «Horretarako gorputzaldia baldin badut, edonon topa dezaket poesia»
Berria, 2026-10-07

Gorka Bereziartua: «Beti ari gara iragana berrasmatzen koherentea izan dadin»
Argia, 2026-09-20

Olatz Mitxelena: «Etxean ere ekaitzak sortzen dira»
Berria, 2026-09-15

IDAZLEEZ ARI

Omar Nabarro

Gure historia modernoaren pairatzaile dugu poeta hau, inozentzia, hemen, orain, krimen bat balitz bezala. Baina, zorionez, ezin izan du ito barruan daraman lirikoa. Bai baitu bere poesiak historikotasun honetaz sakonagoko elementu bat, etenik ez daukana bere poema liburu guztietan, hiriaren gogortasun fisiko eta espiritualari kontrajartzen zaiona: ura, euria, itsasoa, likidotasuna.

Iban Zaldua

Topikoak apurtu nahi ditu egilearen begirada kritikoak, literaturari, bizitzari, euskal errealitateari... buruzko topikoak. Hortik, bere ipuin liburuek dituzten izenburu esanguratsuak; hortik, egileak bere ipuinetan bilatzen duen ekonomia.

Anjel Lertxundi

Estilo eta gai anitz ukitu baditu ere, esan liteke idazkera errealista dela berea, baina ez errealitatearen erretratu huts eta gardena, ezpada subjektibitateak zipriztindua, pertsonaien pertzepzioak baldintzatua. Errealismoarekin batera baditu beste ezaugarri batzuk: jarrera kritiko bat, formarekiko kezka, gogoetarako joera eta ironiaren agerpen etengabea.