Azaroak 9: Mikel Pagadik Itzalen konpaina liburua aurkeztuko du azaroaren 9an (astelehena) 10:30ean Donostiako Bilintx liburudendan. Argitaletxea: Elkar.

Azaroak 9: Irati Jimenezek Gaupasa kluba aurkeztuko du azaroaren 9an (astelehena) 11:30ean Donostiako liburutegian. Argitaletxea: Erein.

Azaroak 10: Iosune de Goñik hutsak gure izena ahoskatu zuenean poema liburua aurkeztuko du azaroaren 10ean (asteartea) 11:00etan Donostiako Plaza berriko liburutegian. Argitaletxea: Susa literatura.

Azaroak 13: Bernardo Atxagak 1976. urtean Kriseilu argitaletxeak plazaratutako Ziutateaz liburuaren karietara jardunaldiak antolatu ditu Euskaltzaindiak datorren azaroaren 13an (ostirala). Goizean hasita Joseba Sarrionandia, Irati Majuelo, Mari Jose Olaziregi eta Beñat Sarasola arituko dira Atxagaren lanari buruz eta Bilbo zein hiriburuei buruz. Egitaraua: 10:00etan: Ziutateaz: hiria, herria eta komunismoa (Joseba Sarrionandia) 10:30ean: Ziutate honetaz (Irati Majuelo) 12:00etan: Tiraniaren mapa (Mari Jose Olaziregi) 12:30ean: Indarkeriaren parajeak (Beñat Sarasola) 19:00etan: Ziutateaz: Geografia eta Historia (Bernardo Atxaga, Gari eta J. K. Gurrutxaga)

Azaroak 13: Harkaitz Canok ekitaldirako prestatutako Manifestua irakurri eta  Maite Larburen kontzertuarekin hasiko da azaroaren 13an (ostirala)19:00etan Hitzen lihoa Oiartzunen. Katixa Agirre, Maialen Akizu, Izar Aizpuru, Edurne Azkarate, Paul Beitia, Harkaitz Cano bera, Garazi Esnaola, Maite Larburu, Maialen Lujanbio, Alaia Martin, Iratxe Retolaza, Aitor Servier, Gartxot Unsain, 1545 argitaletxea eta Metrokoadroka bilduko ditu Hitzen lihoa topaketak; non kontzertu, solasaldi, liburu azoka eta kultur ekitaldi egitarau oparoa antolatu duten.

Azaroak 14: Karmele Jaio Maitasun kapitala  liburuari buruz arituko  da Mari Jose Olaziregirekin lehenik eta Nafarroako irakurketa klubetako kideekin gero  azaroaren 14an (larunbata) 11:00etatik aurrera Iruñean, Nafarroako liburutegian.

Azaroak 17: Juan Luis Zabalaren Dimisioa liburua izango dute mintzagai azaroaren 17an  (asteartea) 18:30ean Zallako Crisol aretoan. Zallako irakurle taldea.

Azaroak 17: Xabier Amuriza bertsolari eta idazleak Xalbador bat bateko mirakulua emanaldia eskainiko du azaroaren 17an (asteartea) 19:00etan Bilbon, Euskaltzaindiaren egoitzan. Bilbo Zaharra euskaltegiak Lazkao Txiki eta Xalbadorren omenez antolatutako egitarauan.

[hitzordu guztiak ikusi]

Xalbador Herria eta hizkuntza
Fernando Aire Xalbador,1976ko azaroaren 7an hil zen, Urepelen. Odolaren mintzoa liburua aurkeztu behar zen egun berean, omenaldia egin zioten sorterrian. Bazkalostean ondoezik, omenaldia bertan behera utzi beharra ukan zuten, eta herriko eskolako gela batera eraman zuten, iluntze hartan beean azken arnasa eman zuen Xalbador, Urepeleko artzaiak. Koldo Izagirre eta Xabier Mendigurenek Euskal literaturaren antologia liburuan idatzitakoaren arabera Xalbador "bertsolaritzan da guztiz famaduna, baina haren lanek merezi dute tokitxo bat poesiaren historian ere, bertso idatzietan batez ere maila poetiko handia lortu baitzuen, berezkoa zuen senari eskerrak, artzaina baitzen izatez, eskola handirik gabea. Lirikarako bakarrik ez, ahalmen berezia zuen bere inguruko gertakariei ohartzeko, eta nabarmen geratzen da hori aukeratu dugun bertso-sortan.

Herria eta hizkuntza

Mikel Laboa kantariak Herria eta hizkuntza Xalbadorren eleekin sortutako abestia eman zuen ezagutzera. (Xalbador) 1980

Xalbador gogoan

Heriotzaren 50. urteurrenaren karietara Xalbador gogoratzeko hainbat ekitaldi egitekoak dira han hemenda; aipatzekoa da Xabier Amuriza bertsolari eta idazleak heldu den azaroaren 17an Bilboko Euskaltzaindiako egoitzan egingo duen Xalbadorren bertsoen eta idatzitako kantuen emanaldia.