igandea, urriak 19

HITZORDUAK

Urriak 22: Mikel Alberdi Irizarren Isildu aurretik liburuaren irakurketa musikatua egingo dute Jose Luis Otamendi, Aitor Huergo eta Mikel Alberdi egileak urriaren 22an (asteazkena) 18:30ean Azpeitiko Dinamoan.

Urriak 23: Bea Salaberri Mesfida zaitez nobelari buruz arituko da eleketan urriaren 23an (osteguna) 19:00etan Baigorriko irakurle taldean, Bixentanian.

Urriak 24: Beñat Sarasolak Coca-Cola bat zurekin nobelan oinarritutako irakurraldia egingo du Maialen Berasategirekin eta Antonio Lozano (saxoa) eta Juanfran Comas (kontrabaxua) musikariekin urriaren 24an (ostirala) 19:00etan Donostian, Koldo Mitxelenako Poetika zikloaren barruan.

Urriak 30: Miren Agur Meabe idazlearekin Amorante frantsesa nobelari buruz arituko dira urriaren 30ean (osteguna) 18:00etan Getariako irakurle klubean.

EMAILUA

Eider Rodriguezen bosgarren ipuin liburua
Zerua argi egon arren, arnasa hartzea hain erraza ez den paisaia bat hedatzen da Dena zulo bera zen ipuin liburuan. Edertasunaren eta heriotzaren igurtzi amaigabean, bakea ez, egia aitzurtu nahia da protagonista. Laguntasuna eta sentsualtasuna ageri dira, olatu artifizialak eta uharteak, doluen aurreko doluak, zorion moderatua, esku batzuek egin dezaketena baina sekula egingo ez dutena. Hendaian, Bordelen, Donostian, Irunen, Koh Phangan-en, Hondarribian, Errenterian; elkar besarkatuta kabitzeko moduko zulo txiki batekin aski zatekeen. Gauza guztien azken aldi bat —eta ondorioz lehena— aurkituko du irakurleak Eider Rodriguezen bosgarren ipuin liburuan. Osorik irakur dezakezue sarean.
eiderRo

SOLASEAN

Paloma Rodriguez Miñambres: «Emakumeek sortutako pertsonaiek rol tradizionaletatik harago doazen asmoak dituzte»
Berria, 2025-10-08

Unai Elorriaga: «Inpresio hau izan dut batzuetan: beharbada jendeari ez zaiola interesatzen egiten dudana»
Berria, 2025-10-06

Joxe Austin Arrieta: «Nika hasten banaiz, estropezu egiten dut neure buruarekin»
Berria, 2025-10-05

IDAZLEEZ ARI

Mikel Lasa

Zein dira Mikel Lasaren poesiaren bereizgarriak? Hitzen aukeraketa sotil, zehatza; nostalgiaz zipriztindutako jarrera malenkoniatsua; sentsualtasun fin bat, moraltasunaren zama astunaz gabetua; errealitate hurbil eta konkretua, gauzak berak hartzea gaitzat; kulturalismoa, Europako joera eta jarrera berriak txertatzea gure literaturan.

Irati Jimenez

Literaturan ez dago gauza hoberik liburu batek zure aurreiritzi guztiak hankaz gora botatzen dizkizunean baino. Hor ikusten duzu, guztiarekin, oraindik ere liburuek, testuek, zer esatekorik badutela.

Xabier Lete

Giza izatearen zergatiaz galdetzen du, kexu eta samina adieraziz; kezka orokor horrek hainbat adar hartzen ditu gero, abstrakzioaren bitartez poema erlijiosoak egiteko, edo konkrezioaren bidez euskal gizartearekiko ezinegona azaltzeko.