larunbata, apirilak 20

HITZORDUAK

Apirilak 20: Garazi Arrula Lurraz beste liburuari buruz hizketan arituko da apirilaren 20an (larunbata) 10:30ean Berako liburutegian.

Apirilak 22: Itxaro Bordaren Itzalen tektonika poema liburu berria aurkeztuko da apirilaren 22an (astelehena) 11:30ean Donostiako Konstituzio plazako liburutegian. Argitaletxea: Susa literatura.

Apirilak 22: Miren Agur Meabe idazlearekin Itzulerak nobela aztergai izango dute apirilaren 22an (astelehena) 18:00etan Igorreko kultur etxean. Gidaria: Esti Vivanco.

Apirilak 23: Harkaitz Cano izango da Liburu eguneko azokako idazle gonbidatua, eta apirilaren 23an (asteartea) 12:00etan Itziar Ugartek elkarrizketa egingo dio jendaurrean, eta ondoren liburuak saltzen izango da Donostiako Gipuzkoa plazan.

Apirilak 23: Jon Alonso idazlea Carvalho Euskadin nobelari buruz arituko da solasean apirilaren 23an (asteartea) 18:30ean Donostiako Martuteneko auzoko Etxarrienen. Gidaria: Juan Luis Zabala.

Apirilak 23: Anjel Lertxundiren Desertuan behatxuloa liburuari buruz berbetan arituko dira apirilaren 23an (asteartea) 18:30ean Leioako liburutegiko irakurle klubean.

Apirilak 24: Mikel Tabernak Arkanbele kantak poema liburuan oinarritutako errezitaldia egingo du Joseba Irazokirekin apirilaren 24an (asteazkena) 18:30ean Leitzako herri aretoan.

Apirilak 24: Goizalde Landabasok eta Garazi Goia idazleek idatzitako 1362km euri liburuaz arituko dira apirilaren 24an (asteazkena) 19:00etan Elgoibarren, Epeletan irakurle taldean.

[hitzordu guztiak ikusi]

EMAILUA

Itxaro Bordaren Itzalen tektonika poema liburu berriko lau poema irakurgai
Lurrikara baten dardara dakar Itzalen tektonika izeneko Itxaro Bordaren poema liburu berriak. Garai izugarri baten ikarak, poetaren paseoak eta desirak adinik ez duela ospatzen duten lerroak. Argitasunaren ehundurak eta larruaren hedadurak. Astelehenean aurkeztuko dugu, 11:30ean, Donostiako Konstituzio plazako liburutegian, eta aurrerapen bat jarri dugu sarean irakurgai.
itzalenteknonika

SOLASEAN

Jasone Osoro: «Zaurgarri agertzeak indartsu egin nau»
Berria, 2024-04-11

Jon Alonso: «Ez naiz gauza izan nobela hau idazteko gaur egun arte»
Gara, 2024-04-03

Ernesto Prat Urzainki: «Sumatzen da landa eremuko nobela beltza hiritik idatzia dagoenean»
Gara, 2024-04-01

IDAZLEEZ ARI

Mikel Lasa

Zein dira Mikel Lasaren poesiaren bereizgarriak? Hitzen aukeraketa sotil, zehatza; nostalgiaz zipriztindutako jarrera malenkoniatsua; sentsualtasun fin bat, moraltasunaren zama astunaz gabetua; errealitate hurbil eta konkretua, gauzak berak hartzea gaitzat; kulturalismoa, Europako joera eta jarrera berriak txertatzea gure literaturan.

Ramon Saizarbitoria

Gai berritzearekin batera teknika berritze handi bat ekarri zuen Saizarbitoriak, Europako literaturan indarrean zebiltzan joera berrien eraginez; teknika berritze hau ez da baliabideen erakuspen hutsa, baizik eta belaunaldi berri baten kezkak bere modu literario egokienean emateko ahalegina.

Xabier Lete

Giza izatearen zergatiaz galdetzen du, kexu eta samina adieraziz; kezka orokor horrek hainbat adar hartzen ditu gero, abstrakzioaren bitartez poema erlijiosoak egiteko, edo konkrezioaren bidez euskal gizartearekiko ezinegona azaltzeko.