Karmelo Etxegarai
(Azpeitia, 1865 - Gernika, 1925)
Euskalzale aundi au «edesti (historia) maitearen jauregi ederrean bizi izan zan beti; etzan beiñere etxe ortatik iñorontz aldendu; bertako seme nagusi egin zuen Euskalerri Amak, ta onen gogo ta izate iraunkorraren gutunak, urrea sakeltxo apain batean bezela, zaitu ta gorde zituen...» (Intzagarai).
Histori sailletik kanpora, olerkaritzan nabarmendu zan, batez be. Itz lauz be artikulu (edo itzaldi) batzuk argitaratu ditu, batez be «Euskal Esnalea»-n. Beti be «...euskera garbi, jator, apaiña erabiltzen zun... ¡Ama zarraren apaingarririk onena altzun txukunena ta maitekor agertu bear!» (P. Ormaetxea).