Knörr Borras, Endrike
Hizkuntzalari eta euskal idazle arabarra, jatorriz katalana (Tarragona, 1947). Gaztetatik Gasteizen egokitu zen eta bertako ikastoletako irakaslea izan zen. »Daniel Ibargoiti» ezizenaz hiru liburu kaleratu zituen: Jose Paulino Ulibarri (1975), Gasteiz (1976) eta Odon de Apraiz (1981). Euskaltzain osoa 1977az geroztik; onomastika-batzordeko arduraduna, eta 1992az geroztik, Euskaltzaindiko idazkaria da.