Leon, Leon
(izg. Berriz Arte)
Euskal idazle eta apaiz lapurtarra (Hazparne, 1896 - Uztaritze, 1962). Beloke eta Baionan ikasketak egin eta apaiztu egin zen (1923). Liburu erlijiosoak itzuli (Jesu-Kristoren Imitazionea, 1929; Jesu-Kristo Gure Jaunaren Ebanjelio Saindua, 1947) eta idatzi zituen (Haurren Meza, 1947). Euskal-Esnalea eta Gure Herriako kolaboratzailea eta azken honetako lehendakariordea izan zen. La Fontaine-ren alegiak ere itzuli zituen. Antzerki-lanak (Gure txokoan, 1926; Haurrak azken hitza bere!, 1933; Herriko besta biharamunean, 1937) eta poesi bilduma bat ere egin zituen (Apezgaiaren bizia, 1962).