Zarate, Mikel
Euskal idazle bizkaitarra (Lezama, 1933-79). Aparejadore-ikasketak egin ondoren apaiztu zen eta Bilboko Hizkuntz Eskola Ofizialeko euskara-irakaslea eta, 1978az geroztik, Deustuko Unibertsitatean literaturako irakaslea izan zen. Artikulu asko, nobela bat (Haurgintza minetan, 1972), ipuinak (Ipuin antzeko alegi mingotsak, 1975; Utopiaren fantasian eta Bilbo irrifarrez) eta poesiak (Higidura berdez, 1977; Bizipenen bultzadaz, 1978) idatzi zituen. Halaber, gramatika- eta dibulgazio-liburuak prestatu zituen (Bizkaiko euskal idazleak, 1970; Euskal deklinabidea, 1975; Euskal literatura, 1977; Euskal Ortografia, 1978). Bizkaieraren ñabarduraz beteriko euskara erabili zuen. Euskaltzain urgazlea izan zen.