Sarasola Errazkin, Ibon
Euskal hizkuntzalari eta idazle gipuzkoarra (Donostia, 1946). Lur argitaletxearen sortzaile eta bultzatzailea izan zen (1969-73). Literaturari buruzko lanak (Euskal Literaturaren historia, 1971), poesi lanak (Poemagintza, 1969), narrazio bat (Jon eta Ane zigarro bat erretzen, 1977), saiakerak (Euskara batuaren ajeak, 1997) eta itzulpenak egin ditu. Lexikologian ere lan garrantzitsuak egin ditu (Hauta-lanerako Euskal Hiztegia, 1984-95). Euskaltzain osoa da (1988). Euskaltzaindiaren Orotariko Euskal Hiztegia obra erraldoiaren arduraduna da Koldo Mitxelena hil zenetik.